పలు రూమర్లు, పలు లీక్స్‌ అనంతరం హెచ్‌ఎండీ గ్లోబల్‌ కొత్త ఏడాదిలో తన తొలి స్మార్ట్‌ఫోన్‌ను విడుదల చేసింది. నోకియా 6 సక్సర్‌గా నోకియా 6(2018) స్మార్ట్‌ఫోన్‌ను లాంచ్‌ చేస్తున్నట్టు ప్రకటించింది. ఈ స్మార్ట్‌ఫోన్‌ తొలుత చైనీస్‌ మార్కెట్‌లోకి అందుబాటులోకి వచ్చిన తర్వాత భారత్‌లో విక్రయానికి రానుంది. ప్రస్తుతం చైనాలో ఈ స్మార్ట్‌ఫోన్‌ ప్రీ-ఆర్డర్లు ప్రారంభమయ్యాయి. జనవరి 10 నుంచి దీని సేల్‌ మొదలవుతుంది. 32జీబీ నోకియా 6(2018) వేరియంట్‌ ధర సుమారు రూ.14,600 ఉండగా.. 64జీబీ వేరియంట్‌ ధర రూ.16,600గా ఉండబోతున్నట్టు తెలిసింది. ఈ రెండు వేరియంట్లు బ్లాక్‌, సిల్వర్‌ రంగుల్లో అందుబాటులోకి వచ్చాయి. ఒరిజినల్‌ నోకియా 6 మోడల్‌ మాదిరిగా కాకుండా.. ఈ ఫోన్‌కు వెనుకవైపు ఫింగర్‌ప్రింట్‌ సెన్సార్‌ ఉంది. ఈ కొత్త నోకియా 6 మెటల్‌ యూనిబాడీతో 6000 సిరీస్‌ అల్యూమినియంతో రూపొందింది.
నోకియా కొత్త ఫోన్‌
