నమో బ్రహ్మచారిణీ!

శ్రీశైల క్షేత్రంలో జరుగుతున్న దేవీ శరన్నవరాత్రి ఉత్సవాల్లో రెండవరోజున (గురువారం) శ్రీ భ్రమరాంబిక అమ్మవారు ‘బ్రహ్మచారిణి’ అలంకారంలో దర్శనమిస్తారు. నవదుర్గ రూపాల్లో ద్వితీయ రూపిణియైున బ్రహ్మచారిణీ దేవిని పూజించడం వల్ల విశేష ఫలితాలు కలగడంతో పాటు సర్వత్రా విజయాలు చేకూరుతాయన్నది భక్తుల ప్రగాఢ విశ్వాసం. ద్విభుజురాలైన ఈ దేవి కుడిచేతిలో జపమాల, ఎడమచేతిలో కమండలాన్ని ధరించి భక్తులను కటాక్షిస్తారు. సాయంత్రం ఏడు గంటలకు ఉభయ దేవాలయ ప్రాంగణంలోని అలంకార మండపంలో భ్రమరాంబా దేవికి బ్రహ్మచారిణి అలంకార సేవ నిర్వహించి, విశేష అర్చనలు, ప్రత్యేక హరతి పూజలు జరుపుతారు.