సినిమా రివ్యూ: లౌక్యం

బ్యానర్‌: భవ్య క్రియేషన్స్‌
తారాగణం: గోపీచంద్‌, రకుల్‌ ప్రీత్‌ సింగ్‌, సంపత్‌ రాజ్‌, బ్రహ్మానందం, ముఖేష్‌ రుషి, చంద్రమోహన్‌, రఘుబాబు, పృధ్వీ, హంసా నందిని, ప్రగతి తదితరులు
కథ, మాటలు: శ్రీధర్‌ సీపాన
కథనం: కోన వెంకట్‌ ` గోపీమోహన్‌
సంగీతం: అనూప్‌ రూబెన్స్‌
కూర్పు: ఎస్‌.ఆర్‌. శేఖర్‌
ఛాయాగ్రహణం: వెట్రి
నిర్మాత: వి. ఆనంద్‌ ప్రసాద్‌
దర్శకత్వం: శ్రీవాస్‌
విడుదల తేదీ: సెప్టెంబర్‌ 26, 2014

సాహసం సినిమా తో కమర్షియల్ విజయాన్ని సొంతం చేసుకున్న హీరో గోపీచంద్ మళ్ళీ సంవత్సరం తరువాత లౌక్యం సినిమాతో ప్రేక్షకుల ముందుకి వచ్చాడు. అయితే ఈ సారి తన మార్కు యాక్షన్ కథతో కాకుండా.. ఆయన గతంలో చేసిన రణం సినిమా మాదిరి వినోదాత్మక చిత్రంగా ఈ లౌక్యం రూపొందినది. మరి ఈ చిత్రం తో గోపీచంద్ ఎంత లౌక్యాన్ని ప్రదర్శించాడో తెలుసుకుందాం.

కథ విషయానికి వస్తే.. వరంగల్ లో ఉండే వెంకీ అలియాస్ వెంకటేశ్వరులు(గోపిచంద్) లోకల్ గూండా బాబ్జీ(సంపత్) చెల్లెలుని తన స్నేహితుడు ప్రేమిస్తే కిడ్నాప్ చేసి మరీ పెళ్లి చేస్తాడు. దాంతో అచ్చ తెలుగు విలన్ లాంటి బాబ్జీ…వెంకీని వెతుకుతూంటే…తప్పించుకోవటానికి హైదరాబాద్ వస్తాడు.హైదరాబాద్‌లో చంద్రకళను తొలి చూపులోనే ప్రేమిస్తాడు. అయితే తాను ప్రేమించింది బాబ్జీ చిన్న చెల్లెల్ని అని వెంకీ తెలుసుకుంటాడు. పెద్ద చెల్లెలి పెళ్లి చెడగొట్టాడానే పీకల్లోతు కోపంలో ఉన్న బాబ్జీని వెంకీ ఎలా కన్విన్స్ చేశాడు? బాబ్జీని ఒప్పించడానికి ఎలాంటి డ్రామా ప్లే చేశాడు? అనే ప్రశ్నలకు సమాధానమే లౌక్యం చిత్ర కథ.
హిట్ కొట్టాలంటే ప్రస్తుతం టాలీవుడ్ లో ట్రెండ్ లా మరి నడుస్తున్న కామెడీనే సౌఖ్యం అనేదాన్ని బాగా

అల్లు అర్జున్ పరుగు చిత్రం ను గుర్తు చేసే ఈ చిత్రం ట్విస్ట్ కి కామెడీతో డీల్ చేయాలనే ఆలోచన బాగానే ఉన్నప్పుటికీ ట్విస్ట్ ఊహించగలిగేలా మారి ఇంటర్వెల్ బ్యాంగ్ ఎఫెక్టివ్ గా లేదు. అలాగే సెకండాఫ్ పరమ రొటీన్ గా ఉండటం జరిగింది. బ్రహ్మానందం పాత్ర సిప్పీగా నవ్వించినా…అదీ ఇంతకుముందు చూసిన సిట్యువేషన్స్ నుంచి రావటం జరిగింది. ఇక రచయితలు కొత్తగా ఫీలైంది…కేవలం ప్రతీసారి విలన్ ఇంట్లో హీరో వెళ్లటం జరుగుతోంది…ఈ సారి హీరో ఇంట్లో విలన్ రావటం పెట్టారు. అదొక్కడే మిగతా శ్రీను వైట్ల సినిమాలకు దీనికీ తేడా. అంతే. అప్పటికి రచయితలు కోన, గోపీ మోహన్ ఉన్నంతలో బాగానే నవ్వించారనే చెప్పాలి. అలాగే అంత రొటీన్ క్లైమాక్స్ లోనూ బాయిలింగ్ స్టార్ బబ్లూ అంటూ పృద్వీ చేసిన కామెడీ బాగా వర్కువుట్ అయ్యింది. థియోటర్ నుంచి బయిటకు వచ్చాక ఏం చూసాము అంటే చెప్పలేం కానీ.. ఉన్నంత సేపూ నవ్వుకున్నాం అని చెప్పగలుగుతారు.