Poltical News

News

క్రీడలు

యువత

Hyderabad Metro Rail

చర్చలు

వార్ధక్యానికి కళ్లెం వేయాలంటే నవయవ్వన గుళికల కోసం వెదుకులాడాల్సిన పనేమీ లేదు గాని, పుట్టగొడుగులను ఆహారంలో భాగంగా చేసుకుంటే చాలని చెబుతున్నారు అమెరికన్‌ వైద్య నిపుణులు. పెన్సిల్వేనియా స్టేట్‌ సెంటర్‌ ఫర్‌ ప్లాంట్‌ అండ్‌ మష్రూమ్‌ ప్రోడక్ట్స్‌ ఫర్‌ హెల్త్‌ సంస్థకు చెందిన పోషకాహార నిపుణుడు ప్రొఫెసర్‌ రాబర్ట్‌ బీల్మాన్‌ పుట్టగొడుగులపై తాము జరిపిన పరిశోధనల్లో బయటపడిన కీలకమైన అంశాలను వెల్లడించారు.

పుట్టగొడుగుల్లో ఎర్గోథియోనీన్, గ్లూటాథియోన్‌ అనే యాంటీఆక్సిడెంట్లు అత్యధిక మోతాదులో ఉంటాయని, వార్ధక్య లక్షణాలను దూరం చేయడంలో ఈ యాంటీ ఆక్సిడెంట్లు కీలక పాత్ర పోషిస్తాయని ప్రొఫెసర్‌ బీల్మాన్‌ వివరించారు. తినడానికి పనికొచ్చే పుట్టగొడుగులన్నింటిలోనూ యాంటీ ఆక్సిడెంట్లు పుష్కలంగా ఉంటాయని, వాటిలో ‘పోర్సిని’ రకానికి చెందిన పుట్టగొడుగుల్లో వీటి మోతాదు మరింత ఎక్కువగా ఉంటుందని తెలిపారు.