కావల్సినవి: బీట్రూట్ తురుము – కప్పు, పాలు – కప్పు, పంచదార – అర కప్పు, నెయ్యి – 2 టీ స్పూన్లు, యాలకుల పొడి – చిటికెడు, కర్బూజ గింజలు, జీడిపప్పు – అలంకరణకు
తయారీ: ∙కడాయిలో నెయ్యి వేసి వేడి చేయాలి. దీంట్లో బీట్రూట్ తురుము వేసి కొన్ని నిమిషాలు వేగనివ్వాలి. తర్వాత దీంట్లో పాలు, పంచదార వేసి కలపాలి. సన్నని మంట మీద ఉడకనివ్వాలి. మధ్య మధ్య కలుపుతుండాలి. కడాయికి పట్టుకోనంతగా ఉడకనిచ్చాక దించాలి. చివరగా జీడిపప్పు, కర్బూజ గింజలతో అలంకరించి, సర్వ్ చేయాలి.